Startseite
Elfi Steickmann
Kölner Mundart
Bücher
Aktueller Buchtipp
Hörbuch
Reinhören
Gästebuch
Jot Fründe
Kontakt
Bildgalerie
Impressum

Kann et sin …

... Kann et sin, dat dat Johr en der letzte Kurv litt ?
E Johr, wat wie en Aachterbahn jeden Daach erop odder eraf jingk ?
Wat uns ganze Welt, uns janz Levve op der Kopp jestallt hät ?
Dat mer uns all ehsch neu zorteere mohte ?
Dat de Arbeit derheim zo bewältige wor ?
Dat mer mondelang keine Kollesch mih jesinn hann ?
Dat mer kein Fründe treffe kunnte ?
Dat e Kölsch en der Weetschaff op der Eck zom Draum woodt ?
Dat de Famillich zom Rettungsanker woodt,ävver uns noh ner Zick och allt ens ärch op der Senkel jingk ?Dat mer keine mih en der Ärm nehme dorf ?
Dat dat Virus bei mäncheinem zojeschlagen hät ohne noch rächs ov links ze lore ?
Dat mer Minsche verlore hät, die mer nit ens om letzte Wääch bejleite dorf ?
Dat die Einsamkeit aan manche Däch nit zo erdrage wor ?

Jo, et kann nit nor sin, et ess esu !
Et Johr 2020 litt en der letzte Kurv.E Deil vun der Aachterbahn ha’mer jeschaff !
De Welt un uns Levve hät sich langksam em Kopp jet zorteet.
De Arbeit, immer noch odder widder derheim packe mer.
Av un aan deit mer met de Kolleje äppe, maile odder telefoneere.
Dat all ha’mer schätze gelihrt.
Et Kölsch drinke mer ze Huus.
De Famillich ess zesamme jeröck, och wann et av un aan noch ens knallt.Jederein jitt sich Möh.Nor, dat mer keine en der Ärm nehme darf, deit immer noch wih, fählt !
Dat et noch Minsche jitt, die einsam sin, mäht wigger Sorch.
Dat dat Virus eifach nit fott jeit, sich aan uns fassjebesse hät,mäht wigger Angs, ävver mer sin nit  hoffnungslos. Un die, die dis Johr jonn mohte, sin deef em Hätze bei allem,wat mer dunn, met dabei.
Dä neue Lockdown verändert och uns Fierdäch,ävver wann et klappe soll, dat sich dat widderlije Virusjesooksendlich ens jet zoröck trick, müsse mer zesammehalde un dieneu Regele  all metmaache. Vun nix kütt nix !!!!
Ich wünschen Üch em janz janz enge Famillijekreis jlöcksillije Chressdächun ne jode Üvverjang en et Johr 2021. Bliet all jesund, un bliet ver allem „negativ“ un he ess widder minge „Lieblingsspruch“:

Egal wie gut oder schlecht eine Situation ist, sie wird sich ändern….

Vun Hätze
Elfi Steickmann